Job 9

Job

1 Tua ciangin Job in dawng a:

2 “Hihi, hih in thumaan ahilam ka thei hi.
Ahi hangin Pasian mai-ah mihing bangci thumaan thei ding hiam?
3 Mi khat amah tawh kisel nuam taleh ^a
kam tul khat lakah kam khat zong a dawng thei kei hi. ^b
4 Ama pilna thukin a vangliatna zai hi. ^c
Kua in amah nialin gimthuak loin suakta ngei hiam?
5 Amah in mualte a theihloh kalun khin a,
a heh suakin a lumlet hi. ^d
6 Amah in leitung a omna panin lok a,
a khuampite a lingsak hi. ^e
7 Ni hopih a, a tang kei hi; ^f
amah in aksi tangte a khakcip hi. ^g
8 Amah kia in vantungte zalh a, ^h
tuipi hualte tung a tawn hi. ⁱ
9 Amah,Khawlei-uikai, Zawlzawng, ^j
Seguk le leitaw-lam aksite a bawlpa ahi hi. ^k
10 Amah in kuama tehzawh loh a lamdang,
simzawh loh a nalamdangte a bawl hi. ^l
11 Kei kiangah hong baanga, amah ka mu thei kei hi.
Kei kiang hong nawk ciangin amah ka thei thei kei hi. ^m
12 Amah in bawtkhiamang leh kua in kham thei hiam? ⁿ
Kua in a kiangah, “Bang hih na hiam?” ci thei ahi hiam? ^o
13 Pasian in hehna dok kik lo hi; ^p
Rahab galkapte nangawn a khe phungah kun uh hi. ^q
14 “Tua ahileh ken amah bangci nial theih ding ka hi hiam?
Amah ka nial zawh nading kammal bangci muh thei ding ka hi hiam?
15 Mawhpeng ka hi kha zongin, amah ka dawng kik thei kei ding hi;
ka Thukhenpa tungah hong lainat nading ka thum thei bek hi. ^r
16 Ken amah samin hong dawng ta leh zong,
ka thu hong zaksak nuamin ka um kei hi. ^s
17 Amah in huihpi hong zialnelhsakin ^t
a thu om lopi-in ka liamna a khangsak ding hi. ^u
18 Kei hong husangsak man loin
lungkhamna bek hong zensak ding hi. ^v
19 Thatang hat thu hileh amah hat mahmah hi! ^w
Thutan zawhthu hileh kua in amah ^{▼▼9.19 Septuagint en in; Hebrew ah kei} sam zo ding hiam? ^y
20 Kei mawhpeng hi ta leng zong ka kam in kei hong mawhpaih hi;
kei a paubaang lo hi ta leng zong, tua in kei mawh nei hong ci ding hi.
21 “A paubaang lo ka hi ta zongin,
kei le kei ka kithupisak kei a, ^z
ka nuntakna ka thusim kei hi,
22 A vekpi in kibang hi; tua ahi manin,
‘A paubaang lote le a gilote susia khawm hi,’ ka ci hi. ^aa
23 Satna in manlanga a sihsak ciangin
mawhpengte lungmanna zahpih lel hi. ^ab
24 Gam khat migilote khut sung a tun ciangin,
amah in thukhente mit a tunsak hi.
Tua pen amah ahi kei leh kua hi ding hiam? ^ac
25 Laitaipa sangin ka nite kinawhzaw a, ^ad
lungnopna loin a lengmang pah hi. ^ae
26 Amaute phaikung gunkuang bangin tolh uh a, ^af
muvanlai sa bawhsuk a bang uh hi. ^ag
27 ‘Ka phunnate mangngilhin, ^ah
ka maipuak khelin nuihmai ning,’ ci ta leng,
28 kei a mawhpengin hong seh tuan lo ding uh
cih thei ka hi manin, ka thuaknate khempeuh ka kihta lai hi. ^ai
29 A mawh a hong kimusa ka hi nungsang,
bang hanga a mawkna-in kibuaisak lai ding ka hi hiam? ^aj
30 Saban ^{▼▼9.30 Ahikeh vuk} in kei le kei kisil leng a, ^al
ka khutte tangalin sil ta leng, ^am
31 buandiim khuk sungah nong sawnkhia dinga, ^an
ka puan nangawn in kei hong kih ding hi. ^ao
32 “Amah ka dawn theih dingin kei bangin amah mihing hi lo a, ^ap
thukhen zumah khat le khat kimaituah theih ding ahi kei hi.
33 Kote kikalah thukhensat ding khat beek om henla,
a langnih tuakin a khut nga in, ^aq
34 kei tung pan Pasian cianggolh hong paihsak ding khatpeuh om henla, ^ar
ama linthawnna in kei hong lausak nawn lo ding hileh
35 tua ciangin amah kihta loin ka genkhia ding hi;
ahi zongin tu-in ka hi ding bang ka hi thei kei hi. ^as